..^.. { منتديات محبي الحيوانات الاليفة } ..^..
الرمز:
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


~.. ـأهلين منووورين ..~

 
الرئيسيةالرئيسية  بوابهـ ـألمنتدىبوابهـ ـألمنتدى  س .و .جس .و .ج  التسجيلالتسجيل  دخولدخول  

هأإأم .. يا ـأعضاء .. مطلوب مصممين ومشرفين .. ـإذا كنت تجد في نفسك الكفائة في ان تصبح مشرف .. فاطلب في قسم .. طلبات ـألـإشراف .. واذا كنت تجيد التصميم نرجوا مراسلة ـألمديرهـ :.. محبة الحيوانات الأليفة

 جديد : يلا بدنا نشاط بدنا نصير ـأفضل منتدىأ للحيوانات ـألاليفهـ ولكل عضو/ـة نشيطـ/ـة جأئزهـ يلا شدوا الهمهـ .. مع تحياتي ـألادارهـ


شاطر | 
 

 الغذاء الصحيح لكلبك ........

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الطيار
مشرف/ة قسم الكلاب
avatar

الجنس : ذكر
عدد المساهمات : 176
نقاط : 30028
السٌّمعَة : 7
تاريخ التسجيل : 30/07/2009
العمر : 32
الموقع : http://anemols.forumtunisie.net/
كووووول - كووووول

مُساهمةموضوع: الغذاء الصحيح لكلبك ........   الإثنين يناير 04, 2010 1:18 am

[center]تغذية الكلاب في المراحل العمرية المختلفة

يا شباب هتكلم عن تغذية الكلاب سواء كانت جراء أو كلاب بالغه، والموضوع ده له أهمية كبيره جدا لأن التغذية السليمة بتضمن لكلبك صحة كويسه وكمان بتزود من معدل العمر (طبعا الأعمار بيد الله سبحانه وتعالى لكن احنا بناخد بالاسباب). وموضوع التغذية هنقسمه ل 3 عناوين رئيسية:

1- معلومات عامة عن التغذية

2- وجبات متنوعة للكلاب.

3- عدد و مواعيد وطرق تقديم الوجبات.

وعلشان أسهل الوضع على الناس ولأن الموضوع كبير ومتشابك فأنا فضلت اقسم الوجبات لوجبات إفطار و غداء و عشاء، وذكرتهم منفصلين عملتهم في جدول فيه أعمار الكلاب، انا مش هطول عليكوا، انتو لما تشوفوا الجدول هتفهموا انا قصدي ايه

1. معلومات عامة عن التغذية:

طبعا لازم في الأول نفهم ان تغذية الجرو غير تغذية الكلب البالغ غير تغذية الكلب اللي بيتمرن تمارين رياضيه عنيفه، ده غير ان في انواع معينة من الكلاب ليها نظام مختلف في التغذية، ولازم قبل ما نفكر نعمل أكل للكلب نكون عارفين بالظبط الكلب بتاعنا ايه نظام تغذيته.
وفي 3 أنواع من الغذاء ممكن نعتمد عليهم:

الطعام الجاف (Dry Food):

وده عبارة عن مجموعة من الفيتامينات و الدهون و مسحوق العظام و اللحوم المجففه مضاف ليها معادن وكربوهيدرات و أملاح بنسب مدروسه صح، بتكون مخلوطه خلط جيد مع بعض ومجففه و على شكل كرات صغيره (زي البلي) أو مشكلة على شكل عظام صغيره جدا. والطعام الجاف ده مفيد جدا خاصة انه بيمنع زيادة الوزن وكمان بيقدم للكلب كل العناصر اللي ممكن يحتاجها وخاصة الأملاح لأن ناس كتير بتنسى اضافة الملح للطعام وده احيانا بيأدي ان الجرو وهو صغير ياكل برازه لتعويض الأملاح، وكمان الطعام الجاف مفيد لأسنان الكلاب من ناحية انه بيزيد من حدتها وبيقوي عضلات الفك، وكمان بيعمل على تنظيف الأسنان.
وعيب الطعام الجاف ان سعره مرتفع جدا، وأكتر نوع مشهور هو Nutro وكان سعره 300 جنيه للكيس ال 20 كيلو، بس في زميل لينا في المنتدى كان جاب رابط قبل كده من بيؤكد ان النوع ده بالذات بيجيب سرطانات وتسبب في موت كلاب كتير. وحاليا منظمه ال FDA معترضه عليه. وفي غيره طبعا أنواع كتيرأوي أغلبها موجود في كارفور و سبينز في القاهرة أو من المستورد في شارع فيصل في الجيزة.
????: منتدي فيفتي دوجز لمحبي الكــلاب http://www.50dogs.com/forum/showthread.php?t=3692
الطعام الجاف في ناس كتير جدا بتفضل تعتمد عليه كغذاء أساسي للكلب بدون اي حاجة تانيه، لكن انا بصراحه ضد الموضوع ده لأنه بيحتوي على مواد حافظة و مكسبات طعم وكمان سعره مرتفع جدا، وغير كده انا باحب الكلب يعيش حياته طبيعي علشام ميفقدش اي حاجة من سماته اللي ربنا خلقها فيه.

الطعام المعلب المخصص للكلاب:

وده بردو بيكون عباره عن خليط من لحوم و عظام مطحونه و رز وفيتامينات و كربوهيدرات و أملاح ومكسبات طعم بس بيكون طعام معلب (زي البلوبيف) وبردو هو مفيد جدا لأنه مدروس بس انا بارفضه لارتفاع سعره ده غير ان ممكن الكلب يتعود عليه ويرفض اي طعام تاني غيره، وكمان لانه بيحتوي على مواد حافظة. لكن عامة ميزته هو الطعام المجفف انه مش محتاج اي تحضيرات وسهل جدا تقديمه ومش بيحتاج اي مجهود. علشان كده باكون مستعد بيهم هم الاتنين لان احيانا الواحد مش بيكون عنده وقت يعمل أكل للكلب.
????: منتدي فيفتي دوجز لمحبي الكــلاب http://www.50dogs.com/forum/showthread.php?t=3692

الطعام المحضر في المنزل:

ده بقى المهم في الموضوع، طبعا لأن اغلبنا مادياتنا متسمحش اننا نصرف على أكل الكلب 400 جنيه في الشهر مثلا. والطعام المحضر في المنزل مميزاته انك بتكون عارف انت بتقدم ايه للكلب بالظبط وضامنه تماما، وكمان كل الأصناف بتكون طازجه ومفيش اي مواد حافظة ولا حاجة. وعامة تحضير الطعام للكلب في المنزل متعة لأنه بيقربك من الكلب و بيحس بيك وانت بتعمل له أكله وبيشم ريحته وهو بيستوي ودي بتزود الرابطه بينك وبينه لانه بيحس انك بتتعب علشانه وكمان بتعمل تشويق للكلب لما يفضل واقف جنبك مستني الطعام.


2. وجبات متنوعة للكلاب:

أنا هقسم هنا الوجبات زي ما قلت لإفطار و غداء وعشاء، لكن مواعيد التقديم وعدد الوجبات هتختلف حسب عمر الكلب و نوعه و الرياضه.





ملاحظات مهمة:

ا- الوجبة اللي فيها البيض نيء دي بالذات خاصة بالكلاب اللي بتتمرن تمارين قاسيه و عنيفه زي الروت و البيت بول ومينفعش تكون وجبة يومية ثابته يعني في الايام اللي تم تمرين الكلب فيها، وبتقدم بعد بلوغ الكلب عمر 6 شهور مش قبل كده لأن البيض النيئ هيكون خطر عليه.

ب- الوجبة اللي فيها ماسورة أو ريش طبعا مش وجبة اساسيه، يعني بنديها للكلب مره كل يومين او 3 ايام علشان نقوي عضلات فكه ده غير فايده العظام والنخاع للكلب، وطبعا العظام بتساعد على تقوية الاسنان، وكمان بتقلل من توتر الكلب ومن رغبته في العض.

ج- طبعا ممكن نستبدل وجة العشاء بالباقي من وجبة الغداء، بس ده ميكونش مستمر كل يوم وخصوصا لغاية سن 6 شهور.

3. عدد و مواعيد تقديم الوجبات:




وبالنسبه لتقديم الوجبات هيكون عليه شويه ملاحظات وهي كالآتي:

1- نراعي ان الوجبه متكونش لا سخنه اوي ولا بارده اوي.

2- بالنسبه للكبده بالذات نراعي انها تكون مرتين بالكتير في الاسبوع علشان مش نزود حمض اليوريك في جسم الكلب.

3- ياريت نبعد عن بواقي أكل المنزل اللي بتحتوي على كميات كبيره من الأملاح و الدهون والتوابل خصوصا لغاية سن 6 شهور.

4- عند وضع الاكل للكلب يفضل انك تدرب الكلب على انه يستنى لغاية ما تحط الاكل تماما في طبقه وبعدين تديله الامر انه يبتدي ياكل.

5- طبق الاقل يكون واسع ومش عميق جدا علشان الكلب يعرف ياكل فيه، ويكون ويكون ثقيل الوزن علشان مش يفضل يجري من الكلب وهو بياكل، وانا عن نفسي بافضل اطباق الفخار، و نراعي اننا نغسل الطبق بعد كل وجبة.

6- علشان نعود الكلب على انه ياكل اي حاجة، نحط له الاكل ولو ماكلش خلاص 20 دقيقه نشيل الاكل من ادامه ويقدم له تاني في معاد الوجبه التالية.

7- نحاول ننظم مواعيد الوجبات على اد ما نقدر علشان ننظم عمليات التمثيل الغذائي و الاخراج.

8- بلاش ندي الكلب اي وجبات اضافيه بين الوجبات الاساسيه، والمكافئات تكون بسكوت كلاب قطع صغيره او قطع لانشون صغيره.

9- دايما نوفر للكلب الماء النظيف اثناء الاكل لانه هيشرب على طول بعد الاكل. ونتأكد دايما من نظافة الماء وتغييره باستمرار.

[size=7]منقول لإفادتكم[/size]


تحياتى لجيع الاخواه الاعضاء
[/center]
الرجوع الى أعلى الصفحة اذهب الى الأسفل
http://anemols.forumtunisie.net/
محبة الحيوانات الأليفة
ـألمديرهـ ..^..
ـألمديرهـ ..^..
avatar

الجنس : انثى
عدد المساهمات : 263
نقاط : 30642
السٌّمعَة : 4
تاريخ التسجيل : 16/06/2009
ممتاز

مُساهمةموضوع: رد: الغذاء الصحيح لكلبك ........   الإثنين يناير 04, 2010 9:03 am

موضوع رائع وجميل جدا مشكووورة مرة
الرجوع الى أعلى الصفحة اذهب الى الأسفل
http://anemols.forumtunisie.net
عاشقة الطيار الرومانسية
عضو مشارك
عضو مشارك
avatar

الجنس : انثى
عدد المساهمات : 40
نقاط : 29743
السٌّمعَة : 5
تاريخ التسجيل : 05/08/2009
العمر : 24
الموقع : http://anemols.forumtunisie.net/forum.htm
<< رايـــق >>

مُساهمةموضوع: رد: الغذاء الصحيح لكلبك ........   الخميس مارس 04, 2010 3:16 am

موضوع مرتب ومفيد جدأ جدأ واكثر من رائع

تقبل مرورى
الرجوع الى أعلى الصفحة اذهب الى الأسفل
http://anemols.forumtunisie.net/forum.htm
القرين
عضو فعال
عضو فعال
avatar

الجنس : ذكر
عدد المساهمات : 91
نقاط : 27184
السٌّمعَة : 5
تاريخ التسجيل : 24/04/2010
مشغول

مُساهمةموضوع: رد: الغذاء الصحيح لكلبك ........   الإثنين أبريل 26, 2010 1:15 pm


متشكر جدااااااااااا يا الطيار
على المعلومات المهمة

الرجوع الى أعلى الصفحة اذهب الى الأسفل
محمد ابو العز
عضو فضي
عضو فضي


الجنس : ذكر
عدد المساهمات : 227
نقاط : 25587
السٌّمعَة : 5
تاريخ التسجيل : 13/10/2010

مُساهمةموضوع: رد: الغذاء الصحيح لكلبك ........   الأربعاء أكتوبر 13, 2010 11:07 am

تسلم الايادى تسلم
الرجوع الى أعلى الصفحة اذهب الى الأسفل
 
الغذاء الصحيح لكلبك ........
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..^.. { منتديات محبي الحيوانات الاليفة } ..^.. :: O?°• (منتدى الكلاب ومايتعلق بهم ) •°?O :: قسم الكلاب-
انتقل الى: