..^.. { منتديات محبي الحيوانات الاليفة } ..^..
الرمز:
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


~.. ـأهلين منووورين ..~

 
الرئيسيةالرئيسية  بوابهـ ـألمنتدىبوابهـ ـألمنتدى  س .و .جس .و .ج  التسجيلالتسجيل  دخولدخول  

هأإأم .. يا ـأعضاء .. مطلوب مصممين ومشرفين .. ـإذا كنت تجد في نفسك الكفائة في ان تصبح مشرف .. فاطلب في قسم .. طلبات ـألـإشراف .. واذا كنت تجيد التصميم نرجوا مراسلة ـألمديرهـ :.. محبة الحيوانات الأليفة

 جديد : يلا بدنا نشاط بدنا نصير ـأفضل منتدىأ للحيوانات ـألاليفهـ ولكل عضو/ـة نشيطـ/ـة جأئزهـ يلا شدوا الهمهـ .. مع تحياتي ـألادارهـ


شاطر | 
 

 اتعلم ازاي توفر بيئه سليمه وصحيه للهامستر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الهر المشاكس
عضو جديد
عضو جديد


الجنس : ذكر
عدد المساهمات : 13
نقاط : 20159
السٌّمعَة : 5
تاريخ التسجيل : 17/03/2012
تمام

مُساهمةموضوع: اتعلم ازاي توفر بيئه سليمه وصحيه للهامستر   الجمعة أغسطس 03, 2012 7:07 pm

عناصرالموضوع
1- مساحه القفص (افضل مساحه)
2- نوع البيت ومساحته الذي ينام فيه
3- نوع الفرش للقفص (نشاره - ورق - رمل)
4- انواع الألعاب الضروريه جدا التى يجب أن تكون متوفره بالقفص مع ذكر الاسباب





الهدف من الموضوع

1- توفير بيئه سليمه وصحيه للهامستر
2- الحصول على انتاج جيد للهامستر
3- تقليل نسبه الخسائر في الارواح
4- سرعه التزاوج


نـــبــدأ

1- مساحه القفص (افضل مساحه)

انا شفت احجام كتير اشكال والوان وصناعه محليه ومستورد لكن الشيئ الوحيد اللي استغربته هو حجم القفص
ليه؟
لما اللاقي قفص الهامستر عباره عن 30 سنتي في 40 سنتي وده كحد اقصى للي شفته
ولما تحسبها تشيل مساحه الالعاب يبقى هيعيش في الهامستر؟
ونستغرب ليه مفيش انتاج؟
تخيل نفسك متجوز وقاعد مع مراتك في بيت يكفيكم بالظبط
هتفكروا في الاولاد؟ فين مكانهم؟
قبل ما نزيد مولود لازم نتأكد ان حقه علينا موجود ولا ايه؟
المهم
حجم القفص المفضل جدا 50 * 50
ناس هتقولي كبير جدا
لا مش كبير ولا حاجه وهقول لحضراتكم ليه

الهامستر حيوان نشيط جدا جدا جدا خصوصا بالليل ويعشق الحركه والجري
فتقييده بحجم ضيق داخل القفص ده غلط


تاني حاجه 50 * 50
اعمل حسابك انك هتحط العابه ولسه هقول ايه هي في العنصر اللي جاي
يعني المساحه المتبقيه يتحرك فيها براحته

تالت حاجه ودي الاهم ان بعد ولاده الانثى في المساحه ال50 * 50
يسهل جدا وضع حاجز من السلك لفصل الذكر عن الام واولادها
بدلا من شراء قفص تاني وده مهم جدا ان الذكر يشوف اولاده


2- نوع البيت ومساحته الذي ينام فيه

كل او على الاقل اغلب الاقفاص الجاهزه اللي يقول قفص خاص للهامستر اللاقي البيت فيها مصنوع من البلاستيك
او الزجاج

لكن للأسف لو فكرت اكثر بالموضوع وبمنطقيه هتلاقي البيوت دي مش صحيه اطلاقا
فمثلا انت لا تعرف نوع البلاستيك المصنوع خصوصا ان الهامستر حيوان لديه الفضول يعني يحب يكتشف كل حاجه
يعض دي ويشم دي الخ الخ الخ
فلما ييجي يعض اطراف البيت

1- هيشوه مظهره
2- احتمال يصاب بأمراض

الناس هتقولي الهامستر بينام في البيت البلاستيك
الهامستر عموما يحب ينام في الخفاء يعني جحور او اي تجويف لا يهم نوعه بالنسبه له
لكن يهم بالنسبه لنا (صحته)

طيب كده متفقين اننا مش هنحط بيت من البلاستيك او الزجاج افضول نوع ايه بقى؟

بص يا سيدي الحكايه بسيطه جدا جدا جدا وخصوصا للأخوه اللي بمصر
قله صغيره (قله ميه) بس الصغيره بمنشار تقطع رقبتها من فوق بحيث تكون الفتحه تكفي دخول وخروج الهامستر


وللتوضيح للاخوه غير المصريين
اناء من الفخار ويفضل ان لا يكون مدهون بأي ماده

واخترنا الفخار بدلا من اي ماده اخرى لاكثر من سبب
1- الفخار اصله طين والطين هي البيئه الطبيعيه للهامستر
2- الفخار يعمل على الحفاظ على درجه الرطوبه اللي يحتاجها الهامستر وقت نومه
3- تشعره بالامان حيث انه يدرك ان لا احد يراه وهو نائم ولا احد يستطيع ازعاجه ( الطمأنينه)


كده عرفنا هينام فين واحب اطمن الناس انه مش هيعض فيها للناس القلقه يعني لانها تمثل له بيئته
والعض بالنسبه له وسيله تعارف للأستكشاف وهو يعض بالبلاستيك - الحديد او اي خام ليس موجود ببيئته


3- نوع الفرش للقفص (نشاره - ورق - رمل)

ناس كتير بتفكر في الموضوع ده
يا ترى نحط في ارضيه القفص ايه؟
ورق؟
نشاره خشب؟
رمل؟
الخ الخ الخ

والاجابه بسيطه جدا وبرده بالاسباب
الورق وفي ناس بتستعمله ده مش صحي اطلاقا بسبب

1- الهامستر اوقات كتير ياكله والورق لو يحتوي على احبار وكتابه تبقى مصيبه لاننا نتعامل مع حيوان ليس لديه مناعه
2- الورق يتشرب البول ولكن بظل مبتل ايام قليله وتلاقي الريحه بقت فظيعه
3- وده الاهم الورق لا يعتبر من بيئه الهامستر فبالتالي لن يشعر بالراحه او الامان

طيب نتكلم عن الرمل

الرمل كويسه جدا من ناحيه التبول لانها تمتص والروائح تطلع بعد فتره كبيره وبنكون غيرناها من فتره
لكن

1- غير مريحه اطلاقا للهامستر وهتلاقيه كل شويه يهرش وينضف نفسه
2- الهامستر لانه حيوان من الحيوانات القاارضه (يحب يحقر) وانت حاطه في قفص هتلاقيها بيحاول الحفر وهيبهدل الدنيا بدون مبالغه

اما الخشب
فده افضل خام تضعه له بالارضيه لانه

1- يمتص البول ولا يسبب رائحه
2- خام مشابه بنسبه كبيره لبيئه الهامستر في الطبيعه
3- مريح جدا للهامستر

طيب في ناس كتير الهامستر يعض او ياكل من النشاره
ده له سبب وله علاج مع العلم ان العض بالنشاره ليس مضر فهو بطبيعته حيوان قارض
سبب اكل النشاره انها خشنه جداا او قطع كبيره نوعا ما تسمح له ان يمسكها وياكل فيها

وعلاجها بسيط جدا هي وضع نشاره متوسطه
يعني لا تصل لدرجه النعووومه جدا مثل التراب (ملحوظه النشاره الناعمه تسبب تهيج في الجهاز التنفسي للهامستر وتلاقيه عمال يعطس كتير) ولا تصل الخشونه لدرجه انه يتمكن من امساكها والاكل منها
مع وضع قطعه من الخشب القاسي (صلبه جدا) حتى يعض فيها براحته
وتساعد على بطئ نمو الاسنان و تلهيه عن اكل الشاره او محاوله الهروب

والنشاره تتغير مره كل اسبوع بنشاره جديده
بس تخلي بالك انلما الانثى تولد انثى التغيير والتنظيف اطلاقا حتى الفطام

4- انواع الالعاب الضروريه جدا جدا تكون متوفره بالقفص مع ذكر الاسباب

زي ما قلنا قبل كده الهامستر حيوان ليلي نشيط جدا اثناء الليل
ويحب الجري جدا
واثناء الليل بيجري بالكيلومترات
يعني مسافات خرافيه بالنسبه لنا
فالالعاب مهمه جدا له خصوصا العجله

العجله هنا اكتر لعبه فيها فوائد مهمه جدا للهامستر وهقولها

1- يستطيع عليها الجري مسافات طويله جدا مما يجعله لا يشعر بالملل ويشعر انه ببيئته
2- اكل الهامستر الاساسي (الحبوب) به نسبه من الدهون والكليستورول ولازم يحرقها يعني تخيل نفسك قاعد تاكل في اكل كله دهون ومش بتتحرك هيحصل لك ايه؟ وزنك هيزيد
لكن الهامستر اذا زاد وزنه في خطر كبير جدا على حياته
دول اهم هدفين للعجله الاهداف التانيه علميه نوعا ما هقولها بأختصار
تنشيط الدوره الدمويه تنشيط عضلات الجسم والمفاصل .... الخ

يا ترى في العاب تانيه؟

اه في عند الانفاق ودي الحاجه الوحيده اللي ممكن تحطها بلاستيك لانها مينفعش تتصنع اللا بلاستيك ويا ريت يكون بلاستيك مستورد يعني حاجه نضيفه
لان البلاستيك بالنسبه له ماده جديده في بيئته
و وسيله التعارف عليها هي العض وبقول بلاستيك نضيف في خامته حتى نتفادا الامراض اللي ممكن يصاب بيها


كده وفرنا كل حاجه للهامستر في بيئته

واتفرج على احلى صحه للأب والام واحلى صحه للمواليد بإذن الله
واللي عاوز يجرب يعمل طريقتي وكلامي ده في ذكر وانثى للهامستر
وذكر وانثى بالاقفاص المنتشره حاللا ونشوف
[center]
الرجوع الى أعلى الصفحة اذهب الى الأسفل
محبة الحيوانات الأليفة
ـألمديرهـ ..^..
ـألمديرهـ ..^..
avatar

الجنس : انثى
عدد المساهمات : 263
نقاط : 30642
السٌّمعَة : 4
تاريخ التسجيل : 16/06/2009
ممتاز

مُساهمةموضوع: رد: اتعلم ازاي توفر بيئه سليمه وصحيه للهامستر   الأحد يناير 20, 2013 12:05 pm

موضوع جدا رائع ياالهر المشاكس
وفعلا مفيد اتمنى منك المزيد من النشاط والابداع Smile
الرجوع الى أعلى الصفحة اذهب الى الأسفل
http://anemols.forumtunisie.net
 
اتعلم ازاي توفر بيئه سليمه وصحيه للهامستر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
..^.. { منتديات محبي الحيوانات الاليفة } ..^.. :: O?°• (منتدى الهامستر ) •°?O :: قسم الهامستر والقوارض-
انتقل الى: